The Delta Kappa Gamma Society International eru alþjóðasamtök kvenna í fræðslustörfum sem voru stofnuð af 12 konum í Austin í Texas 1929. Höfuðstöðvar samtakanna eru í Austin og þar er heimasíðu Delta Kappa Gamma Society International ritstýrt. Alþjóðasamtökin hafa nú landsdeildir í mörgum þjóðlöndum auk Bandaríkjanna.
Íslenska landsdeildin var stofnuð árið 1975 með Alfa - deild í Reykjavík en landssambandið var stofnað 1977. Íslenska landssambandið tilheyrir Evrópusvæði sem stofnað var 1998. Á Íslandi eru starfandi tíu deildir, þrjár eru á höfuðborgarsvæðinu og ein í hverjum landshluta þ.e. á Akureyri, á Vesturlandi, á Suðurlandi, á Austurlandi, á Suðurnesjum og á Vestfjörðum. Deildirnar starfa sjálfstætt og halda a.m.k. fjóra fundi á ári. Deildirnar mynda landssamband og er haldið landssambandsþing annað hvert ár á oddatölu.
Landssambandið gefur út fréttabréf tvisvar á ári. Konum er boðin þátttaka í Delta Kappa Gamma samtökunum. Þær sem ganga í samtökin hljóta full réttindi sem félagar í deild, landssambandi og alþjóðasamtökunum. Nýjar deildir eru stofnaðar við hátíðlega athöfn og einnig eru nýir félagar teknir inn í starfandi deildir með viðhöfn.
© Landssamband Delta Kappa Gamma á Íslandi
Uppfærður: sun 18.apr 2010
