Beta-deild Delta Kappa Gamma, félags kvenna í fræðslustörfum, var stofnuð á Akureyri 2. júní 1977.
Stofnfélagar voru konur úr Barnaskóla Akureyrar, Lundarskóla, Hrafnagilsskóla, Laugalandsskóla og Þelamerkurskóla. Tveimur árum áður hafði Alfa-deild verið stofnuð í Reykjavík.
Fyrsti formaður Beta-deildar var Edda Eiríksdóttir.
Verkefni deildarinnar hafa verið margvísleg í gegnum tíðina en stærsta verkefnið sem konur í deildinni hafa tekið sér fyrir hendur er að gefa út póstkort með myndum Elísabetar Geirmundsdóttur, listakonunnar í Fjörunni, og bók um hana. Þá höfum við einnig reynt að fylgjast með því helsta sem hefur verið að gerast í mennta- og menningarmálum.
Fundir eru haldnir 5-7 sinnum yfir veturinn og landssambandsþing annað hvert ár. Þá eru Evrópuþing einnig annað hvert ár. Á seinni
árum hafa gengið til liðs við deildina konur sem tengjast öllum skólastigum.
Uppfærður: fim 20.ágú 2009
