Delta-Kappa-Gamma. Félag kvenna í fræðslustörfum

Aðalfundur Kappadeildar var haldinn 20. maí í sumarbústað Önnu Kristínar Sigurðardóttur á Mýrunum.

Tólf Kappakonur áttu heimangengt þennan dag, fjölmenntu í bíla og brunuðu burt úr bænum um fjögur leytið.  Anna Kristín var þá þegar komin í sumarbústaðinn og beið okkar með mat og drykk.  Eftir aðalfundinn fórum við í gönguferð um svæðið undir leiðsögn Önnu Kristínar.  Veðrið setti strik í reikninginn því það rigndi heilan helling á göngukonur.  Flestar voru þó vel klæddar og létu það ekki á sig fá. Eftir dásamlegan mat skelltu nokkrar hressar konur sér í pottinn áður en haldið var aftur í bæinn um kl. 22.

Ný stjórn var kosin á fundinum til næstu tveggja ára. Sigríður Hulda Jónsdóttir var kosin formaður en hún var varaformaður fráfarandi stjórnar.  Aðrar í stjórn voru kjörnar; Erla Guðjónsdóttir, Gunnlaug Hartmannsdóttir og Sigríður Johnsen.  Stjórnin á eftir að skipta með sér verkum og fá gjaldkera með sér til starfa. 

Ég vil þakka öllum þeim sem voru með innlegg á fundinum í gær, þ.e. þeim Önnu Sigríði, Önnu Kristínu, Erlu Gunnarsdóttur og Valgerði. Mér fannst þau afar fjölbreytt, einlæg og áhugavekjandi. Reyndar hvert með sínu sérstæða sniði. Þetta er svo sannarlega eitthvað sem er geymt en ekki gleymt.

Einnig vil ég þakka Sólborgu okkar fyrir hennar góðu stjórn á fyrsta bókafundinum okkar með þessu sniði og að halda svona vel utan um fundargerðirnar.

Við ákváðum 3 næstu fundi og kemur dagskrá þeirra hér í grófum dráttum:

10. mars fundum við  með Þetakonum í Reykjanesbæ. Fundurinn hefst kl. 20.00. Við hittumst hjá gamla Gaflinum (skálhallt á móti Fjarðarkaupum í Hafnarfirði)  kl. 19.00 og sameinumst í bíla. Þið fáið nánara fundarboð er nær dregur. Við verðum gestvinir þeirra Þetasystra og njótum hollra veitinga í detox-stíl!!!

17. apríl. Vorþing haldið á Reykjavíkursvæðinu. Sigríður Johnsen er fulltrúi okkar í undirbúningsnefnd, en yfirskrift þess er: ,,Góðir hlutir gerast". Hver veit nema Sigríður Hulda okkar stígi á stokk og leyfi okkur að nema af lífsspeki hennar og annarra góðra gúrúa.-)) Við ákváðum að fjölmenna. Koma svo stelpur!!!

20. maí. Aðalfundur. Farið verður í rútu kl. 14.00 og haldið á Mýrarnar í Borgarfjörðinn. Þar mun Anna Kristín opna sumarbústað sinn og sýna okkur svæðið. Hún er með góða aðstöðu og heitan pott. Við ákáðum að fara svona snemma til að hafa rúman tíma fyrir fund og einnig að geta sem best notið sveitarinnar og fegurð landsins. Komið verður heim um kvöldið. 
 
Með hækkandi sólarkveðjum.
Ykkar Marsíbil.