Delta-Kappa-Gamma. Félag kvenna í fræðslustörfum

Á döfinni

Vorþingið

Vorþing Delta Kappa Gamma verður haldið í Þjóðmenningarhúsinu í Reykjavík 28. apríl næstkomandi. Menntamálanefnd samtakanna vinnur nú að því hörðum höndum að undirbúa dagskrá þingsins sem að vanda verður bæði fræðandi og skemmtileg. Dagskráin verður nánar auglýst síðar. Við minnum hins vegar félagskonur á að taka daginn frá og þær sem þurfa að koma um langan veg, að fara að huga að hentugum og ódýrum ferðamöguleikum.

Uppfærður: fim 26.jan 2012

Fréttir

Fréttabréf DKG í Bretlandi komið á vefinn

- miðvikudagur 25.janúar 2012 - Eygló Björnsdóttir - Lestrar 1

Fyrir áhugasama má benda á að nýjasta eintak fréttabréfs DKG systra okkar í Bretlandi er komið á vefinn. Það má nálgast með því að smella hér.

DKG systur koma víða við

- miðvikudagur 25.janúar 2012 - Eygló Björnsdóttir - Lestrar 1

Nú nýlega tók Oddný G. Harðardóttir meðlimur í Þetadeild við embætti fjármálaráðherra og er fyrsta konan til að gegna því embætti. Hún er einnig fyrsta konan til að vera formaður fjárlaganefndar Alþingis. Þetasystur eru að vonum stoltar af sinni konu og sendum við þeim og ekki hvað síst Oddnýju sjálfri árnaðaróskir með embættið og óskum henni alls hins besta í framtíðinni.

Nánar um menntun og fyrri störf Oddnýjar má sjá á vef Alþingis.

Sigrún Aðalbjarnardóttir sæmd heiðursmerki hinnar íslensku fálkaorðu

- mánudagur 23.janúar 2012 - Eygló Björnsdóttir - Lestrar 2

Á gamlársdag, var Gammadeildarkonan Sigrún Aðalbjarnardóttir prófessor, sæmd heiðursmerki hinnar íslensku fálkaorðu fyrir störf í þágu uppeldisvísinda og menntunar. Við óskum henni innilega til hamingju og er hún vel að riddarakrossinum komin.

Lesa meira

Ráðstefna í Washington DC

- laugardagur 21.janúar 2012 - Eygló Björnsdóttir - Lestrar 3

Í tengslum við alþjóðasambandsþingið í New York í sumar verður haldin ráðstefna í „Purposeful Living“ í Washington DC fyrir DKG konur. The Delta Kappa Gamma Educational Foundation styrkir ráðstefnuna og er þema hennar: „ A Capital Experience“. Ráðstefnan verður haldin 19.–22. júlí, en alþjóðasambandsþingið sjálft stendur yfir 24.–28. júlí. Séð verður um að keyra þátttakendur á milli borganna.
Hámarksfjöldi þátttakenda er 250 og „fyrstur kemur, fyrstur fær“. Búið er að opna fyrir skráningu og verða þeir sem áhuga hafa að skrá sig fyrir 1. maí 2012. Nánari upplýsingar má fá á þessari síðu.

Skoða allar fréttir